雲貴風正宗雲南米線

营业中

休息中

呢間都係朋友介紹我先識嚟！餐廳位置雖然唔算好起眼，但勝在都幾容易去搵！喺景峰輕鐵站落車，過馬路、穿過商場嘅樓梯，行三四分鐘就到，喺正天橋下面！第一次食已經愛上咗呢到嘅米線，無論湯底同配料都好出色！一星期已經食咗兩次了！配料今次揀咗麻辣腩肉、麻辣豬耳！麻辣腩肉係偏瘦帶少少肥嗰種，醃得好入味；麻辣豬耳夠夾口！豬耳係冇得揀唔辣嘅，不過真係唔算太辣！配料嘅分量都算多，務求令你食到最後都仲有啲料喺到，總之成碗真係好好味！溫馨提示：餐廳入面嘅裝修比較up dup ，絕對唔適合有潔癖嘅人去光顧！