SO Coffee & Gin

营业中

休息中

二訪呢間小店cafe，貪佢假日walk in到同埋食物都唔錯。要求好簡單，就係唔想等位同排隊，不過可能因為我地咁啱時間唔洗等同埋佢地都開放book位嘅，下次book定就一定唔怕要等位。店內環境簡潔乾淨，想打卡就可到樓上位置。但我嚟到就偏向係食嘢多於打卡。今次同第一次嚟一樣點咗黑毛豬叉燒醬滑蛋黑麥包，黑麥包烘得好脆，叉燒醬係偏濃郁仲有啲煮過嘅洋蔥。滑蛋都好滑仲帶丁點蛋液，叉燒帶肥肉但瘦肉part幾juicy唔會柴，但如果叉燒有啲溫度會開心啲。男朋友點咗冬蔭功大蝦意粉，蝦有虎蝦同冰鮮蝦，整體都ok，但印象中上次係樓下坐堂食碟裝嘅份量好似多啲。飲品點咗Coffee Tonic，最近唔可以飲咁多咖啡所以無得暢飲好可惜。但記得上次嘅味道，佢地嘅Coffee Tonic嘅檸檬味比我飲過嘅較出，但整體都接受到同埋會再encore的。