影片
更多
2019-06-07
13 浏览
天氣咁熱，又來到尖沙咀呢邊行街，一定要飲番杯台式飲品先可以降溫😛首選梗係港女至愛珍珠奶茶啦！咁啱行過呢間叫小黑糖嘅鋪頭，講真鋪面好細，而且都好似未聽過個名咁，但係全藍色嘅設計，再加埋文清霓虹燈仲有擺設，就吸引左我入去買珍珠奶茶啦！其實佢個餐牌都有好多嘢吸引嘅，但既然招牌係黑糖珍珠，等店員就推介左我飲小黑糖珍珠厚鮮奶，話最多人飲喎。另外我再幫阿嫂嗌咗一杯宇治抹茶歐蕾珍豬。價錢同最近好熱門嘅台式飲品鋪頭相若，算係咁啦。其實我叫嘢飲嘅時候，個鋪頭做緊網上外賣平台嘅生意，有超長嘅一張單，但係都唔使我等好耐，店員好貼心咁樣，整咗兩杯野俾我先。黑糖珍珠厚鮮奶。$32從來未試過食黑糖珍珠食到珍珠入面都仲係濃郁嘅黑糖味，個名真係冇改錯！厚奶就唔啱我，太濟太膩，下次都係飲返鮮奶算。同埋少甜仲係偏甜㗎，可能係因為珍珠太入味啦！呀嫂反而話宇治抺茶歐蕾珍珠唔會太甜喎！佢話因爲抺茶本身無糖，加埋黑糖珍珠啱啱好！P.S. 連個外賣袋都非常高質
咁啱行過呢間叫小黑糖嘅鋪頭，講真鋪面好細，而且都好似未聽過個名咁，但係全藍色嘅設計，再加埋文清霓虹燈仲有擺設，就吸引左我入去買珍珠奶茶啦！
其實佢個餐牌都有好多嘢吸引嘅，但既然招牌係黑糖珍珠，等店員就推介左我飲小黑糖珍珠厚鮮奶，話最多人飲喎。另外我再幫阿嫂嗌咗一杯宇治抹茶歐蕾珍豬。價錢同最近好熱門嘅台式飲品鋪頭相若，算係咁啦。
其實我叫嘢飲嘅時候，個鋪頭做緊網上外賣平台嘅生意，有超長嘅一張單，但係都唔使我等好耐，店員好貼心咁樣，整咗兩杯野俾我先。
黑糖珍珠厚鮮奶。$32
從來未試過食黑糖珍珠食到珍珠入面都仲係濃郁嘅黑糖味，個名真係冇改錯！
厚奶就唔啱我，太濟太膩，下次都係飲返鮮奶算。同埋少甜仲係偏甜㗎，可能係因為珍珠太入味啦！
呀嫂反而話宇治抺茶歐蕾珍珠唔會太甜喎！佢話因爲抺茶本身無糖，加埋黑糖珍珠啱啱好！
P.S. 連個外賣袋都非常高質
张贴
