夜首爾

营业中

休息中

呢間韓國菜不嬲正宗。除咗最出名嘅烤肉，佢哋嘅鮑魚粥都好正。次次嚟都一定嗌。✨石板辣炒八爪魚$420大大盤新鮮八爪魚，加埋翠玉瓜、紅蘿蔔、洋蔥，份量都夠三至四人食。八爪魚彈牙有咬口，仲充滿韓式辣醬嘅甜甜辣辣味道。我哋特登嗌咗小辣，唔食得辣嘅👩🏻覺得又香又惹味，又唔使狂飲水。✨牛肉雜菜炒粉絲$150 口感煙韌嘅粉絲重麻油香，仲有唔少爽脆嘅蔬菜絲。我幾鍾意佢哋炒得乾身唔油膩，所以特別啱口味。✨鮑魚粥$130呢樣好少人叫不過真係好高質。粥底軟綿，有唔少切絲嘅鮑魚，仲充滿鮑魚肝嘅鮮甜。