二兄車麵館 (已結業)

見呢日落大雨，又唔想叫外賣就同屋企人食埋先返屋企。見仲有下午茶我就叫左個二兄招牌芝士咸牛肉炒蛋脆豬 脆豬烤到勁脆身，牛油味香再夾埋芝士咸牛肉炒蛋，絕對邪惡又好食加埋杯紅豆冰，大滿足。另外屋企人唔想食下午茶，就叫左車仔麵牛大哥裡面有牛丸、牛筋、牛柏葉、蘿蔔等配料試咗個牛筋，入味又較淋。仲有乾炒牛河大大碟，份量都幾多，炒得夠乾身唔會好油膩，好夠鑊氣。點都要叫下油菜，我地揀左通菜鐘意佢腐乳分開上，感覺健康。