三河屋•尾張屋

营业中

休息中

前排日子同一班同學係做完project之後就一齊去咗紅磡搵嘢食啦，咁有同學突然間話想食啲平嘅日本野，咁我哋就即刻諗起尾張屋。尾張屋一向都係我哋我哋會食嘅餐廳嘅頭幾個選擇，貪佢抵食得來，份量就大大份，而且味道好有特色，食落好滋味。今次，我就叫咗一個咖喱豬扒飯，咖喱味道偏辣，但係辣味唔會蓋過咖喱嘅香味。所以，食起嚟會好吊起我哋嘅胃口，每一次我哋都會將所有白飯連咖喱汁食得一乾二淨。而且，咖喱汁嘅配料亦都好豐富，有軟林林嘅薯仔。薯仔吸收晒咖喱嘅甜味，絕對係必食嘅配菜。另外，吉列豬扒炸得非常之香脆，豬扒上面嘅炸粉沾得薄薄的。所以食起上嚟都覺得好係啖啖肉，唔會食到成口粉。另外吉列豬扒亦都係新鮮炸好的，所以上到枱食落口都係熱辣辣的，記得唔好等到最後先食啊！如果唔係凍左就真係冇咁好食啦。最後，日本人服務員服務態度亦都非常值得稱讚，絕對比到人家嘅感覺。所以，如果嚟到紅磡想食又平又好食嘅餐廳，尾張屋絕對係值得推介推薦。