同朋友兩個人諗住食餐好，放題佢又應該大食，一入門口就話120分鐘只限頭90分鐘點野食！「我第一次聽」，好算、D IG 拍到咁靚我諗住味道ok la.照去馬！
我Buliarmore, 坐低你同我地講每張點餐紙只可點10件，手機落單每落一次單要十分鐘先可再叫！？
喂，咁有數得計喎 只可以點9次，每次10件！我對於任食呢下，好混亂。
咁好啦都照叫 野食試上到，除左送既「時令刺身拼盆」有兩條中拖外，後面啲吞拿全部都係我5%少肥，95%赤身既赤身，咁又由於我唔係睇住佢切。我又要吞啖氣。
好，哥哥仔收第一轉碟，我碟度有一舊飯，個哥哥仔已經好心提「浪費食物每100G $80」，我同朋友都唔主張浪費，啲野好食一定食清盤。大佬，問題係啲野唔好食，你仲提我要盡量食晒，好大壓力呀！懷疑人生:(
再講返食物！燒蠔甩殼，廚師大佬，你知唔知熟蠔唔甩殼先叫新鮮蠔燒，唔好扮好服務
我不禁懷疑。唔通唔比$888+$200 就不配食正常食物？但埋單都$1553…我又真心唔明係咪我比少左？
小鰻魚飯、豬扒飯 （係豬扒鞋左啲）standard 👌🏻
燒羊架 ok 偏肥
串燒反而算最正常，牛舌果啲都ok👌🏻
燒鯖魚，唔會死得去邊👌🏻
整體黎講：尖沙咀海運我明有舖租壓力
，但唔好當我地水魚咁劏 omakase價 比啲質素同服務差過旺角$388放題
*事後我同朋友食完各自返屋企屙，利申：我已經係一個掃街專用肚。
打咁長真係出卡好意有人睇到，唔好再中伏。
如果商家睇到，麻煩你比多少少良心唔好為賺盡，趕走晒啲人北上搵食就話香港人食唔起，謝謝。（其實我一年都去兩三次日本）唔好話大陸，出外食都唔去你度貼錢買難受。
Blacklist 無下次🤬🤬🤬
2
