西貢街頭越南牛肉粉

营业中

休息中

已經係第二次同大少食呢一間越南河粉。上次都冇寫到食評，今次補返。天氣咁凍，我梗係食暖笠笠嘅生牛肉河，反而大少就叫左香茅豬扒飯。我竟然餓都連碗河粉都唔記得影相，就已經食咗啦。生牛肉仲係粉紅色，有牛肉味，河粉反而偏林，爛咗少少，湯底夠味，唔太多味精。加埋辣椒絲，又熱又辣，暖胃嘅感覺，正👍。大少嘅香茅豬扒飯，上面有蛋餅。我都係第一次見，豬扒飯上面有蛋餅個配菜。大少話味道ok.午餐跟餐飲，我哋一齊叫咗熱咸金桔。味道好潤喉。天氣咁凍，熱咸金桔🍊真係值得推介。