泰金鍋

营业中

休息中

唔知食咩好，喺海之戀兜咗個圈，天氣凍凍哋心血來潮想打邊爐，海之戀都有好幾間邊爐食肆，呢間有一人一鍋，而且呢間有我最愛嘅泰式椰奶雞湯底，就衝咗入去😊可惜嘅係呢個青檸椰奶雞湯底唔似泰國嗰啲（失望），反而個冬蔭公湯底值得推薦👍🏻食物方面係半自助形式，圖中嘅牛係fix咗嘅（二人份量，有四層），出面有自助形式嘅食物，好多丸呀腸呀菜呀蟲草花等等都有呀，雪條嘢飲都係任食任飲，泰式奶茶好飲，唔太甜有分幾種肉嘅套餐，價錢都不一樣我呢款寫住$108，但入座話今日要加$10，可能星期六啦，入座起計60分鐘，超準時叫交枱😂呢樣都理解嘅，比貴d就可以90分鐘的