沙嗲軒 (香港黃金海岸酒店)

营业中

休息中

如果要我講呢度嘅賣點係咩，我一定會話係服務囉，嘢食唔係特別出色咖咋。因為男朋友生日所以參加左黃金海岸兩日一夜嘅一個生日package，咁佢就會包嚟呢間沙嗲軒度食lunch嘅，Menu已經pre set咗㗎啦，如果唔食齋嘅話，其實係得三樣主菜揀，再配埋個肉骨茶，同埋一個薏米水。肉骨茶嚟講就非常高質，因為佢個肉唔會太銀，唔會好硬好難咬開，而且唔會因為煲太耐而喪失咗肉味，另外個茶嘅藥材味唔會太重，呢個都係我鍾意嘅一點。至於嗰三種主菜分別有海鮮炒飯，咖喱雞同埋一個魚片頭湯河，我哋就叫咗一個海鮮炒飯同一個咖喱雞嘅，兩個都係有少少辣。海鮮炒飯我唔會話佢難食，不過佢又冇乜特別，好似同出面茶餐廳嘅質素差唔多咁，係唔會太油囉。至於個咖喱雞咖喱味係好足夠，薯仔蚊到好林，呢個係我鍾意嘅，但係佢個雞真係太老啦，一啲都唔滑，而且好大嚿，我覺得好難咬開，我比較prefer細細舊感上囉，我唔知係咪因為佢個Menu pre set咗p所以啲嘢食質素先會差啲，因為我見其他食評好似大部份都唔錯，可能食返佢個海南雞飯會好啲掛，因為招牌菜呀嘛，可惜佢個Menu已經pre set左所以我就無謂轉了。