Just Steak Premium (已結業)

馬鞍山嘅餐廳選擇唔多，好多年前食過呢一間，今晚再俾多次機會。同行有人話呢度似高級版嘅Pepper Lxxxx，不過始終唔同，呢度主要係定食類型。先決定好肉類同埋份量，然後再加小食/白飯/意粉之類。我哋叫咗一個亂切牛扒跟白飯同溫泉蛋，同埋一個西冷牛扒跟意粉同豆腐。牛扒上到枱係三成熟，要自己先煎香佢，跟住再落汁，炒完之後就可以食啦，兩個牛扒嘅味道都唔算好食，亦都比較煙靭，咬唔開，牛味非常之少。好彩嘅係，佢嘅汁比較濃郁，撈埋白飯同意粉都算好食。