京都 (已結業)

去到石門本身想搵嗰間隱世食堂食熱香餅包，點知原來午餐冇供應，所以就要喺京瑞廣場搵嘢食。一到lunch time ，呢度周圍都已經好多人，加上又諗唔到食乜好。咁啱見到商場3樓有間日本料理所以就去試吓啦。叫咗個燒雞扒飯，估唔到又有驚喜喎，紫菜夠香口，份量夠多，送飯一流! 望住雞扒嘅邊位，會知道係燒嘅。乾身似燒出嚟，等得都幾耐嘅。但既然佢係燒嘅，咁就原諒佢啦~野餐飲方面，可以揀綠茶或者蘋果蜜。尚算可以啦味道似水沖咁。總括嚟講個飯出色過飲品，而且lunch冇加一。可惜淨係可以用現金俾錢，八達通都唔得，間唔中經過冇嘢好食都可以食吓嘅。