臺北棧 (港威商場)

营业中

休息中

主要係因為餐廳裝修幾特別，完全唔似係食台灣野，餐牌食物賣相吸引，就入咗去試吓。髒髒鹹蛋黃芋泥蛋餅$88見到個配搭好特別，所以試吓，但食落覺得味道和口感完全唔夾，最後仲無食晒😌明太子甜不辣$78魚餅口感煙靭，表面有明太子醬幾好食，只係得6件細細塊，略貴。招牌牛肉麵配牛脂油$118揀咗手工刀削麵，口感唔錯，湯底幾濃，但牛肉厚得嚟有啲靭，扣分🙃碗麵份量偏少。珍珠奶茶$45 & 鳳梨苦瓜$48兩杯味道都普普通通😐整體來說，餐廳環境和裝修幾靚，座位舒適，但食物味道普通，份量偏少，價錢略貴，試一次就夠。