薈聚軒

营业中

休息中

喺小白鷺玩完水近近哋過嚟食，平日夜晚唔多人，可以慢慢坐，唔會催你走，員工招呼周到， 可能平日唔多人關係。四人餐抵食$1188餐入面我覺得咕嚕黑豚肉最好食新鮮整起粒粒都好脆口又唔會太熱氣嘅感覺， 呢個餐有蝦、有湯羹、有魚有雞、 有菜有花膠， 仲包埋橙汁同甜品， 其實都冇乜嘢可以挑剔。 仲要份量唔細，夠五個人食。我哋加咗個雞粒炒飯， 食係一粒粒唔會黐埋一舊舊， 味道亦剛剛好， 最怕啲炒飯淨係食到鹽嘅味道。 平日散叫有八折，套餐就冇喇。