盈暉海鮮酒家 (已結業)

呢晚同家人第一次去盈暉食晚飯，六個人，唔想諗之下叫半席既套餐。首先有我期待既乳豬，唔差既，但未算係好好食個一種，皮夠脆，但食落去好咸。上湯生蝦伊麵 - 好大碟!個汁整得幾好，唔錯。碧綠帶子彩鳳片 - 即係荷蘭豆炒帶子雞柳，荷蘭豆爽甜，雞柳炒得有鑊氣，帶子普普通通。芝士海皇卷 - 入面有蝦、水蜜桃，普通唔係特別好食。海味四喜翅 - 味道是ok的，仲有好多海參。蒸石斑 - 冇咩特別，還可以。燒雞 - 好食，皮脆肉嫩!野菌浸時蔬 - 呢個又係好大碟，白菜仔浸得未夠淋，麻麻地。瑤柱蛋白炒飯 - 炒飯好食，不過呢個時候已經飽到食唔落飯lu。桃包 - 超細個，味道麻麻地。紅豆沙 - 唔太甜，正!總括黎講，食物質素同價錢成正比，人多食既話係唔錯既選擇。