龍子中菜

我寫咁多食評，都未試過比1星。當然有食過其他差嘅地方，但我嘅諗法係，大家都係搵食啫，我下次唔去咪算囉。所以我之前寫嘅食評，都係有三🌟以上。今次忍唔住要寫出嚟，就係唔想大家去中伏。

幾碟餸出咗嚟，除咗碟潮式滷水鴨之外，其他味道都可以，但都係炒得好肥膩嘅，不過觀塘好多食店都係咁。好又一餐，唔好一餐，將佢歸納入「下次唔嚟」一類算啦⋯

埋單發覺佢咁樣收茶飯錢，就太過分啦。星級酒店都會咁樣收，但係你環境、出品食材、用料、賣相同人地都爭好遠喎。

呢個酒樓唯一好處，就係位多。星期六晚8:00未到，30幾人 uncle、aunty 行山團上嚟，即刻有位⋯ 可能佢地就會覺得，比多啲茶飯錢都好值。

星期六8pm，隔離亞太中心仲要排隊成10分鐘先上到電梯，上去餐館樓層啊⋯ 終於明白，點解落差咁大囉。