會所1號 維港皇宴

营业中

休息中

有國內親友來港辦婚宴，佢睇中咗尖沙咀一間有海景嘅高級酒樓，今晚叫咗我一齊去睇吓個場地，順便試吓食物如何。會所1號 維港皇宴飽覽維港兩岸景觀，場地設有兩個宴會廳及數個小型貴賓廳，坐擁維港迷人景色，裝潢極具氣派，而且交通鄰近地鐵站非常方便,適合各類型大小宴會。叉燒鱔:燒鱔肉質彈牙，鱔皮香脆可口，配叉燒醬香甜惹味。燒雞半隻：雞皮蟬薄而酥脆，肉質鮮嫩，雞味濃郁而且皮下脂肪較少。薑蔥粉絲蝦煲：用砂鍋盛載熱辣辣上枱，一打開蓋即時香氣撲鼻，滋滋聲好夠鑊氣，大蝦好新鮮，而且已開邊方便食用，蝦肉彈牙又鮮甜，粉絲吸盡大蝦醬汁精華，爽口又惹味！