串燒揀左生燒鰻魚 $78, 皮脆肉彈，鮮白色鱔肉，油脂豐富，厚肉juicy。
鹽燒燒蠔 $68 大大隻廣島蠔，厚肉鮮味，用鹽同胡椒調味，蠔味香濃。
免治雞肉棒 $48, 用上雞肉加雞軟骨搓成的雞肉捧，點日本紅橙色蛋黃醬油汁，配搭得好好，感覺就好似去左日本食串燒咁。
茄子田樂 $38 菠蘿 $38 手造豆腐 $38, 菠蘿燒到熱辣辣又香甜，中和肉類嘅油膩感，食串燒必選。茄子同豆腐加左田樂味噌，甜甜香香嘅味噌配蔬菜好夾，豆腐夠滑有質感。
申·春卷 $58, 揀呢款其實淨係知會有春卷皮，完全唔知有咩餡料，原來是味噌肉燥配津白夾住一大塊軟糯年糕，好在無信錯餐廳質素，都比到我一點驚喜。
炸蛋 $28 紅橙色嘅溫泉多包住脆脆香草外衣，蛋黃味香濃，蛋白滑溜，必試推介。
明太子蓮藕 $38, 爽脆蓮藕夾滿咸香明太子，口感層次豐富，配搭新鮮。
小食揀左唐揚池魚仔 $68, 份量出奇地多，香脆小池魚，食到停唔到口。
凍蕃茄沙律 $68, 冰凍鮮甜嘅去皮日本蕃茄，配沙律菜同和風醋汁，食完咁多熱氣油膩野，用透心涼嘅凍蕃茄作結實在選得太好了。
人均消費約350蚊，環境服務同食物質素都好好，值得同三五知己去飲酒嘆串燒。
