八月花 (V City)

营业中

休息中

難得星期日放假，突然想系八月花飲茶食點心。其實內心都好爭扎，本身八月花平日都多人，星期日就更加多人。不過真係想食，等就等啦，去到都真係人頭湧湧。勁多人等叫number. 不幸中之大幸，啲人等得太耐放棄咗，所以唔算等太耐。我哋二人叫左幾款點心，侍應一來就俾咗個前菜，個前菜唔錯，夠開胃。炸两，我覺得唔算出色，個油炸鬼淋左。禪院菜包，呢個真系出色，包皮十分鬆軟，啲餡又靚又香。值得再食！素粉果，好在個餡同菜包唔同，覺得都細心。口感唔錯！馬拉糕，未至於好驚喜，但都唔差，夠滑夠香。二人午餐共消費220元。