華仔冰室

营业中

休息中

今日過嚟旺角染完髮，行過雅蘭中心見到呢間華仔冰室，入黎食個飯先，餐廳裝修充滿港式風味，午市時間都幾多人，職員服務有禮親切。午餐C：🐓客家鹽焗雞 半隻 $78呢個係職員推介，佢話呢度嘅鹽焗雞🐔好好食，上枱個賣相真係好震撼🫣，半隻雞🐓嘅份量都幾多，仲配一大碗🍚飯，同一大兜好足料嘅🥣羅宋湯，佢啲雞🐓都幾新鮮，入口嫩滑吾乾身，而且調味適中唔會太鹹，食完真係飽到上心口。🐖焗茄汁豬扒飯$68 招牌焗豬扒飯🐖梗係要叫啦，新鮮即叫即焗🍽️，個飯上面勁多拉絲芝士🧀，豬扒食落鹹鹹地幾軟口，最重要嘅係超多醬汁🤩🤩，成個飯好Juicy。茶餐：公司三文治🥪$52一份有四大嚿三文治，每舊都好足料😋，有煎到好香又厚切嘅午餐肉、🍅蕃茄、🥬生菜、芝士🧀、火腿🥓同埋蛋🍳，每一口都食到淡淡嘅材料😚，抵食之選。