蛋仔記雞蛋仔

营业中

休息中

行過旺角見到呢間新開嘅雞蛋仔排晒長龍，餐牌有20幾款雞蛋仔同格仔餅揀，仲有啲嘢飲。點左兩款感覺會幾好食嘅雞蛋仔。-雞蛋仔：雙重芝士🧀$42首先個紙袋真係幾靚兼且夠晒厚，用嚟打卡真係幾好📸，全部雞蛋仔都即點即做，需要耐心等候。雞蛋仔外脆內軟，蛋漿唔會太甜夠晒健康，而且口感紮實唔會覺得食緊空氣。- 雞蛋仔：鹽燒紫菜肉鬆🥓$43呢個有我最鍾意嘅紫菜同肉鬆，見到佢個外型都知道佢幾足料，入口食到鹹香嘅肉鬆，同紫菜真係好夾。-士多啤梨沙冰🍧$30食完雞蛋仔點杯沙冰，沙冰攪到勁幼細，仲食到少少士多啤梨粒🍓，清爽又解渴。