【📍旺角｜一個人都可以盡興】
通常韓國菜都係一大班人先會揀嘅菜式，但旺角竟然有一間韓國餐廳，推出獨食一人餐同共享二人餐等，人少少都可以食到幸福滿滿嘅韓國料理～
.
🐨獨食一人餐 $99
推薦度：⭐️⭐️⭐️⭐⭐
基本款嘅獨立一人餐包括咗沙律、豆腐湯、一個主食以及一杯嘢飲！一個普通人一定食得飽🫣
.
🐨螺肉沙律
一共有五大嚿螺肉，每粒螺肉都唔算細，醬汁味道濃郁可以混埋沙律一齊食咁添風味🐒沙律底就有生菜、椰菜、青瓜、車厘茄等，勁豐富！
.
🐨豆腐湯
今日係蘿蔔粟米蛋豆腐湯🥚飲落較厚身相對比較似羹，飲落非常足料，飲到非常清甜，唔使點咬就可以好順滑咁吞到落口～
.
🐨金菇肥牛烤豬肉豆腐湯鍋配飯
呢個湯係以石燒鍋上上枱嘅時候熱辣辣，足料而肥牛同豬肉都唔會煮到韌，整體成個豆腐鍋係偏辣，但係今日咁凍暖身就一流，仲要配埋入晒味嘅豆腐同豆皮，食落就更加滿足、健康！
.
🐨雞翼小食+$16
另外小編貪心地叫埋雞翼，冇諗過韓國餐廳嘅雞翼都咁出色，炸香咗外皮食到鹹脆香，之後雞翼入邊就保持到肉嫩多汁～建議大家嚟到一定要加！！
