本場

营业中

休息中

最近得知旺角新開左呢間燒肉，就同朋友一齊嚟食咗個午餐。頂級澳洲和牛海鮮放題$428/位和牛同海鮮都係任食，M8和牛牛板腱、M8和牛封門柳同埋極品牛小排都係呢個餐先有嘅牛類，所以我哋主要都係食呢三款牛肉，牛味好香濃，油花亦都分布得啱啱好，入口口感一流。豬肉同雞肉都當然會有啦，而呢個餐嘅豬肉更加有伊比利亞黑毛豬肋條添。海鮮種類比起一般燒肉放題都多，食落仲要幾新鮮彈牙。我地encore左幾次嘅分別有原隻魷魚筒、鰻魚、雞泡魚乾、香草牛油帶子、香草牛油蝦仁同埋墨魚片。呢幾樣都屬於容易燒，燒完又香口好食嘅海鮮。其實都仲有啲蔬菜同埋主食可以叫嘅，不過我哋掛住食牛肉同埋海鮮，個肚都冇乜多餘嘅空間再食蔬菜同主食。呢到啲小食估唔到都幾出色，明太子櫻花蝦冷豆腐鹹鹹地涼涼地幾惹味。炸芝士年糕同章魚小丸子都好香脆好食。最後叫返少少甜品，叫左泡芙、日式麻糬同埋cheesecake。