講番點心方面，我私心推介包括：
新鮮牛肉類點心：
•陳皮山竹牛肉球：肉質彈牙多汁，帶淡淡陳皮清香，讓經典風味充滿層次感。
•脆皮沙嗲牛肉包：酥脆包皮與香濃微辣免治沙嗲牛肉完美結合，口感豐富。
•黑椒汁牛肉蝴蝶餅：香辣黑椒汁襯托鮮嫩牛肉餅，風味十足。
XO醬腸粉：XO醬落得唔吝嗇，所以特別惹味。腸粉四面煎得香脆，配埋超多的芽菜同紅蘿蔔絲，增加爽脆的口感同埋中和鹹味。
金銀魚仔肉餅飯：肉餅夠彈牙，食得出係人手剁出黎。另外上面舖滿好多銀魚仔，提升鮮味，配埋甜豉油真係超「餸」飯。|
甜品三寶：
•黑糖蜂巢糕：食落去夠煙靭，黑糖味有層次地慢慢滲出，唔會太甜。
•紫薯南瓜小丸子：原來係加南瓜的皮配搭紫薯餡，估唔到配味道幾夾，南瓜皮炸得香脆而唔油，細細個一口食幾好，唔會太「溜」。
•蜜瓜炸鮮奶：呢個最有驚喜，食落去完全尋回兒等飲蜜瓜奶的味道。
埋單時店鋪原來仲有$5括括卡，收益全數捐贈給浪浪之家，食得開心同時支持流浪動物，幾有意義。
喜煌牛肉點心真係有特色，店內裝潢又有心思，仲整得好detail。總括黎講喜煌可以話讓你滿足「食好西」、「打卡」同「幫助毛孩」三大願望！
