二鍋頭 (福苑)

营业中

休息中

又黎到二鍋頭食雞煲火鍋啦，之前都黎過食架啦，都好清楚佢有咩好野食，所以今次encore佢。雞煲黎講都係咁好食，雞肉入味得黎唔會死咸，當然唔少得係佢d洋蔥啊京蔥啊芫茜呀吸曬味先至最出色。今先就叫左冬陰公湯底，無錯我的確係想試曬咁多款湯底嘅。而今次冬陰公湯無令人失望，黎到未滾起已經聞到佢酸酸辣辣嘅味道，而入面都有好多材料，檸檬、青檸、南姜等等，唔係溝粉出黎，好滿意，味道唔會太辣太咸。叫左好多唔同野食，好似係蝦、墨魚等等嘅海鮮，直頭將個湯底昇華左，變左海鮮冬陰公添，不過我發現冬陰公湯配烏冬好正，烏冬掛滿曬湯好好味。最後，今次個雪糕櫃入面有幾款新雪條，有榴連、紫米、香芋，超級好食，特別鍾意紫米，入面好夠紫米椰汁味，仲真係有好多一粒粒紫米。食埋甜品又係超飽咁走，一個字！正！