影片
更多
2025-02-10
1906 浏览
陪朋友嚟旺角買露營用品，行完就順便喺附近食埋飯先返屋企。友人想食中菜，揀咗呢間位於煙廠街嘅「金玉滿堂」。餐廳主打新派粵菜同游水海鮮，另外亦有鑊氣小炒、羊腩煲、麻辣雞煲等可供選擇。點咗個雙冬扣黑草羊腩煲 ($368/中)，羊腩煲選用新鮮黑草羊，羊皮爽彈有咬勁，腩位豐腴肥美，入口羶香肉嫩，味道濃郁但又唔會過鹹，吃時更帶陣陣南乳香，補身又暖胃。配菜用料亦非常豐富，除了爽脆馬蹄、軟腍枝竹、新鮮冬筍同厚肉花菇外，仲有索味嘅唐生菜，食完成身暖笠笠。另外仲點咗半隻脆皮一品燒雞 ($158) 同 鮑魚撈飯 ($68)。燒雞外皮極薄又夠脆卜卜，肉質非常嫩滑，而且皮下無乜脂肪，入口雞味十足，用嚟送飯一流！鮑魚撈飯連刀叉上，鮑魚有掌心般大，質感腍滑，軟糯又入味，配埋啲鮑汁撈飯食，滋味倍添。
陪朋友嚟旺角買露營用品，行完就順便喺附近食埋飯先返屋企。友人想食中菜，揀咗呢間位於煙廠街嘅「金玉滿堂」。
餐廳主打新派粵菜同游水海鮮，另外亦有鑊氣小炒、羊腩煲、麻辣雞煲等可供選擇。
點咗個雙冬扣黑草羊腩煲 ($368/中)，羊腩煲選用新鮮黑草羊，羊皮爽彈有咬勁，腩位豐腴肥美，入口羶香肉嫩，味道濃郁但又唔會過鹹，吃時更帶陣陣南乳香，補身又暖胃。
配菜用料亦非常豐富，除了爽脆馬蹄、軟腍枝竹、新鮮冬筍同厚肉花菇外，仲有索味嘅唐生菜，食完成身暖笠笠。
另外仲點咗半隻脆皮一品燒雞 ($158) 同 鮑魚撈飯 ($68)。燒雞外皮極薄又夠脆卜卜，肉質非常嫩滑，而且皮下無乜脂肪，入口雞味十足，用嚟送飯一流！
鮑魚撈飯連刀叉上，鮑魚有掌心般大，質感腍滑，軟糯又入味，配埋啲鮑汁撈飯食，滋味倍添。
张贴
