影片
更多
2021-10-15
219 浏览
喺旺角女人街又搵到好嘢食～呢間「三人行串燒專門店」雖然新開業，但係晚市時間去到都全院滿座，好受歡迎👏🏼串燒食物款式都好多選擇，價錢又唔貴，不少都只係十幾蚊，我兩個人去，飽到拖住個肚走，人均消費都不到二百～新張期間仲要做緊九折優惠，性價比好高。蒜蓉燒原條茄子$34必食之選！茄子上面鋪滿海量嘅蒜蓉，茄子燒到好淋可以一絲絲咁樣夾起，撈埋蒜蓉食，正～雞中翼$18外皮脆卜卜，咬開入邊就鮮嫩多汁，雞都冇雪藏味。墨魚丸$14外層燒得好香，再配上燒汁，好惹味！五花腩$14腩肉肥瘦適中，啲邊位帶有少少焦香～西班牙黑毛豬肋串$26相比腩肉肉質比較爽，口感不錯。多春魚$21一共有三條，唔會好乾～食落啱啱好。牛油開邊大花蝦$48雖然得一隻，但都幾大隻，肉質爽口彈牙夠新鮮，蝦頭仲有膏，同鋪頭嘅秘製泰式汁好match!煙肉蘆筍卷$19食左咁多肉要食啲蔬菜，蘆筍爽甜配上煙肉油脂，燒出層層好味道～香煎鵝肝多士$98鵝肝味道獨特，外脆內軟，配上脆卜卜嘅多士，要趁熱食曬佢～超日式雞泡魚乾$40香甜又煙韌，點上沙律醬更美味！芝士煙肉大啡菇$32大啡菇好厚肉，一切落去就爆汁好juicy，釀入香濃芝士同埋煙肉，口感豐富又好飽😝
串燒食物款式都好多選擇，價錢又唔貴，不少都只係十幾蚊，我兩個人去，飽到拖住個肚走，人均消費都不到二百～新張期間仲要做緊九折優惠，性價比好高。
蒜蓉燒原條茄子$34
必食之選！茄子上面鋪滿海量嘅蒜蓉，茄子燒到好淋可以一絲絲咁樣夾起，撈埋蒜蓉食，正～
雞中翼$18
外皮脆卜卜，咬開入邊就鮮嫩多汁，雞都冇雪藏味。
墨魚丸$14
外層燒得好香，再配上燒汁，好惹味！
五花腩$14
腩肉肥瘦適中，啲邊位帶有少少焦香～
西班牙黑毛豬肋串$26
相比腩肉肉質比較爽，口感不錯。
多春魚$21
一共有三條，唔會好乾～食落啱啱好。
牛油開邊大花蝦$48
雖然得一隻，但都幾大隻，肉質爽口彈牙夠新鮮，蝦頭仲有膏，同鋪頭嘅秘製泰式汁好match!
煙肉蘆筍卷$19
食左咁多肉要食啲蔬菜，蘆筍爽甜配上煙肉油脂，燒出層層好味道～
香煎鵝肝多士$98
鵝肝味道獨特，外脆內軟，配上脆卜卜嘅多士，要趁熱食曬佢～
超日式雞泡魚乾$40
香甜又煙韌，點上沙律醬更美味！
芝士煙肉大啡菇$32
大啡菇好厚肉，一切落去就爆汁好juicy，釀入香濃芝士同埋煙肉，口感豐富又好飽😝
芝士豆腐$16
芝士味就唔算突出，普通啲，但就味道都ok。
仲送左碟燒鱈魚片，好大方呀🤗口感好香脆，食到停唔到～
呢間絕對係位置方便又抵食嘅串燒店，又唔會食到成身油煙味，係聚會吹水好選擇！
张贴
