平昌

营业中

休息中

大君御膳 $218 一位 120分鐘呢度冇分黃金時間同優惠時段，由1500到2300都係同一個價錢，星期五至星期日、假期及假期前夕每位都係加多$20。我今次食嘅係平啲嘅套餐，但食物種類都非常多元化，燒肉嘅部份有齊牛肉、豬肉、雞肉、蔬菜同海鮮，另外仲有涼拌嘅前菜、炸物、湯、飯同麵，當然唔少得飲品任飲啦！我覺得呢度嘅肉都醃得好入味，個人比較推介嘅係辣調味豬梅頭肉片、雞肉串、豬頸肉同照燒薄切五花腩片，包埋生菜真係好好食！海鮮亦都新鮮，至少我個玻璃肚食完都冇肚痛。除咗食物質素對得住價錢，服務都好好，短短的兩個鐘，店員主動幫我哋換咗六次爐片。