影片
更多
2022-10-18
186 浏览
酒店位於豉油街，之前去完勝利道睇狗仔有經過見到佢嘅promotion，又見到人哋喺ig share有朱古力噴泉，搞到我都想嚟試下！晚市自助餐冷盤有凍蝦、蟹腳、青口、刺身、壽司、冷麵，凍蝦夠新鮮爽口，蟹腳做到鹹鮮，三文魚刺身超肥美，另外仲有比較少酒店buffet見到嘅惹味開胃醋漬鯖魚，鐘意鹹鮮香滑嘅朋友必試。生蠔就每人四隻，唔出去排隊拎都幾好！沙律就有八款配料任君選擇，全部都幾新鮮，其中蟹籽雞蛋沙律好香口感又豐富，拌沙律菜同爽脆青瓜都唔錯！前菜有多款日式韓式食品，例如枝豆、泡菜、八爪魚等，西式就有cold cut、煙鴨胸、巴馬火腿配蜜瓜，個蜜瓜超甜！熱盤、炸物方面，炸花枝餅幾香脆，茶碗蒸、海南雞又滑又香，蒸魚好大條好受歡迎。另一邊有烤牛肉同法式焗蠔，牛肉幾厚同嫩！湯品有中西湯各一款，餐包隱藏咗係兩行食物中間，芝麻包食落幾香！甜品非常多選擇，除咗小朋友最愛嘅朱古力噴泉、多款精緻蛋糕、水果、macaroon、泡芙、楊枝甘露等，七點半開始仲有即叫即製crepe，有香蕉、提子乾、杏仁片、cream等配料比客人搭配，外皮煎到香軟，仲可以自己去旁邊拎movenpick雪糕加埋一齊食，大人細路都一樣可
晚市自助餐冷盤有凍蝦、蟹腳、青口、刺身、壽司、冷麵，凍蝦夠新鮮爽口，蟹腳做到鹹鮮，三文魚刺身超肥美，另外仲有比較少酒店buffet見到嘅惹味開胃醋漬鯖魚，鐘意鹹鮮香滑嘅朋友必試。生蠔就每人四隻，唔出去排隊拎都幾好！
沙律就有八款配料任君選擇，全部都幾新鮮，其中蟹籽雞蛋沙律好香口感又豐富，拌沙律菜同爽脆青瓜都唔錯！
前菜有多款日式韓式食品，例如枝豆、泡菜、八爪魚等，西式就有cold cut、煙鴨胸、巴馬火腿配蜜瓜，個蜜瓜超甜！
熱盤、炸物方面，炸花枝餅幾香脆，茶碗蒸、海南雞又滑又香，蒸魚好大條好受歡迎。另一邊有烤牛肉同法式焗蠔，牛肉幾厚同嫩！
湯品有中西湯各一款，餐包隱藏咗係兩行食物中間，芝麻包食落幾香！
甜品非常多選擇，除咗小朋友最愛嘅朱古力噴泉、多款精緻蛋糕、水果、macaroon、泡芙、楊枝甘露等，七點半開始仲有即叫即製crepe，有香蕉、提子乾、杏仁片、cream等配料比客人搭配，外皮煎到香軟，仲可以自己去旁邊拎movenpick雪糕加埋一齊食，大人細路都一樣可以食得好開心！另外仲有限量梳乎厘，記得七點半後可以等派籌！
飲品有熱飲咖啡機、啤酒、汽水、蘋果汁，最特別係有枝裝可樂，我都忍唔到飲咗枝！
Staff refill食物同收碟嘅速度幾快，同埋佢哋會不定時主動斟水同將餐點、餐具排返整齊，呢啲舉動都幾加分！
张贴
