影片
更多
2020-10-21
64 浏览
秋風起又係時間打邊爐，特別近排凍左要食返多d野，朋友介紹，所以去左呢間二鍋頭食任食。一坐低，座位闊落，店員就即刻介紹餐單，有雞煲鴨煲同火鍋，3樣都係任食，雞同鴨都可以任fill，食夠先換火鍋。我同女朋友好貪心咁叫左一雞一鴨再轉藥膳湯底。首先雞同鴨份量都好足，因為我叫唔辣所以可能味道唔算好濃，但雞好嫩，鴨好香同軟綿，而且加左少少酒點火，個酒香昇華左成個鴨煲，極度推薦鍾意既人要叫！ 野飲都齊全，有汽無汽有糖無糖，少量果汁都有，竟然仲有罐裝咖啡！藥膳鍋我覺得一般，可能之前個鍋太濃味。不過任叫既配料有活蜆同蝦，仲有鱔片，我已經覺得值回票價，而且食落都ok，尚算唔錯，呢個價位我接受。仲有其他配料係自助區，乾淨企理，種類又多，不錯不錯。食左2個半鐘，慢慢食，食飽都仲有時間剩，而且埋單$200位左右，旺角黎講真係好好，下次可以再黎之選！
一坐低，座位闊落，店員就即刻介紹餐單，有雞煲鴨煲同火鍋，3樣都係任食，雞同鴨都可以任fill，食夠先換火鍋。
我同女朋友好貪心咁叫左一雞一鴨再轉藥膳湯底。首先雞同鴨份量都好足，因為我叫唔辣所以可能味道唔算好濃，但雞好嫩，鴨好香同軟綿，而且加左少少酒點火，個酒香昇華左成個鴨煲，極度推薦鍾意既人要叫！
野飲都齊全，有汽無汽有糖無糖，少量果汁都有，竟然仲有罐裝咖啡！
藥膳鍋我覺得一般，可能之前個鍋太濃味。不過任叫既配料有活蜆同蝦，仲有鱔片，我已經覺得值回票價，而且食落都ok，尚算唔錯，呢個價位我接受。
仲有其他配料係自助區，乾淨企理，種類又多，不錯不錯。
食左2個半鐘，慢慢食，食飽都仲有時間剩，而且埋單$200位左右，旺角黎講真係好好，下次可以再黎之選！
张贴
