邊食邊講🗣️: 呢間店真係好識做𝚖𝚊𝚛𝚔𝚎𝚝𝚒𝚗𝚐
將所有港女打卡嘢集於一身 超適合慶祝生日!!
有得玩火、有畫碟服務、仲有即影即有送📸
最抵死係𝚖𝚊𝚛𝚔𝚎𝚝𝚒𝚗𝚐得嚟 啲嘢又幾好食‼️
除咗食完個身臭啲之外 (成個頭索晒壽喜燒味😹)
推薦俾要諗生日食咩嘅咁多位🥳
-
🐮 達摩壽喜燒二人前 - 牛肉盛盒💰$618
包含前菜、蔬菜盛盒、小食、稻庭烏冬及飲品
-
🦑 醬漬螢光魷魚
🌶️ 辣味帶子裙邊
開一開胃就可以預備食壽喜燒牛肉啦✨
-
🐮 牛肉盛盒
一共有3款牛肉 檸檬牛舌、安格斯牛板腱
仲有升級宮崎A5黑毛和牛友三角 +💰$48
先用牛油燒香鍋 然後加上牛肉 再灑上砂糖
最後倒埋壽喜燒湯 索晒湯汁就食得!!✨
記得要點埋蘭王蛋漿 味道上更上一層樓
如果同我一樣鐘意食和牛嘅口感同油脂感
咁就一定要升級宮崎A5黑毛和牛 好食!!👅
-
🥬 蔬菜盛盒
🍜 稻庭烏冬
食完壽喜燒牛肉後 就可以煮埋菜同烏冬
蔬菜盛盒有冬菇、金菇、娃娃菜、豆腐等
菜同烏冬索晒壽喜燒湯汁 食落都幾好食!!
-
🐥 明太子雞翼 (兩隻)
原來係釀雞翼 雞鎚部份就係滿滿明太子
-
🦀 甲羅燒三味 +💰$198
想講一出𨋢就索到陣超香嘅燒海鮮味
燒到我都要加呢份甲羅燒三味🔥
有蟹味噌、明太子同海膽醬 賣相超靚
不過基本上撈勻燒完食落陣味都差唔多😹
陣蟹膏味超香 最後我哋撈咗啲同烏冬食
-
🍍 沖繩海鹽菠蘿梳打 +💰$34
清爽之選 仲有菠蘿果肉添
-
🍓 淡雪之莓 +💰$41
見到其他人嗰杯好靚 先想叫杯嚟打卡
不過我嗰杯就好似fail fail地😹
味道係okay的 士多啤梨奶🍓
-
🍰 蛋糕寶盒 💰$98
一早預訂就可以畫自己想要嘅公仔
師傅畫功真係唔話得 基乎有求必應🧞♂️
上枱火燒表層張紙 壽星見到公仔時超驚喜
最後會送上一張即影即有留念 超有儀式感
當日有鏡面朱古力同北海道抹茶蛋糕揀
抹茶蛋糕配上紅豆蓉 味道上唔太甜🍭
