宜家佢地星期五、六延長營業時間到午夜12點，9點後仲有79折，另外所有酒類、非酒類都有買一送一🤩午市12點到4點都有優惠，全單79折，午市套餐仲有買四送一！
1️⃣壽喜燒二人前（$618）
👉漬物
揀左辣味帶子裙邊、醬漬螢光魷魚，帶子裙邊彈牙辣味輕微，螢光魷魚比較少見，兩款都唔錯。
👉牛肉盛盒
一次過食到三款牛肉部位，有檸檬牛舌、安格斯牛板腱同埋澳洲M5和牛肩胛。壽喜燒微甜醬汁同肉味配合得好好，沾埋蛋漿滑溜感再提升。
👉小食
櫻花虎蝦天婦羅（+$36）
虎蝦大大隻炸得好香脆，最正既係面頭係沾滿櫻花蝦，食落蝦味超濃﹗
👉蔬菜盛盒
有娃娃菜、皇帝菜、菇、豆腐，加埋壽喜燒湯汁再煮，食落吸滿曬湯汁既香氣。
👉稻庭烏冬
最後食埋個烏冬飽足感up﹗烏冬滑身彈牙👍
2️⃣朱古力鏡面蛋糕（$98）
記得提前預訂😍仲可以指定畫碟圖案同埋字句，黎呢度慶生絕對心滿滿。上枱方法亦都夠曬華麗，會有即場點火既環節，寶盒面頭既紙燒完之後就見到靚靚既畫碟甜品，仲送埋生日小禮物同埋即影即有幫你留念。
3️⃣香甜荔枝梳打（$34）
荔枝果香清甜，帶氣泡感非常清爽。
4️⃣淡雪の莓（$41）
造型非常可愛，面頭仲有一串士多啤梨，飲品加入蝶豆花同埋鮮奶，底層仲有多啤梨果醬，又靚又好飲。
