安格斯牛肩胛肉
Prime Grade果然唔同啲，油脂分布靚到呢～入口即化，牛味濃得嚟又唔會太膩，淥兩淥就食得，正！
豬肉片
都唔錯，薄切夠晒入味，口感嫩滑。
手打黑松露丸同三色丸
黑松露丸一咬開，陣陣松露香湧出嚟，好足料！三色丸每款都有唔同口感，彈牙得嚟又唔會粉忟忟，真心推介。
黑毛肚
絕對係另一個亮點！淥一淥就食得，爽脆到不得了，完全冇異味，點少少蒜蓉豉油已經超正！
新鮮鱔片
每片都切得夠厚度，見到個光澤就知新鮮，淥完之後個皮仲係爽脆嘅，肉質結實得嚟又唔會韌，完全冇泥味同腥味，點少少辣椒醬油已經好正，個鮮味出晒嚟！
精選花膠
每件都大大塊，厚身得嚟唔會腥。我鍾意淥耐少少，等佢吸晒個湯底精華，入口滑溜溜，膠質多到黏嘴唇！
鍋霸吃到飽台式養生火鍋 (旺角)
旺角彌敦道601號創興廣場4樓
