J.moon

上網 search下MK邊度有好地方，之後發玩非常就腳既旺角有間叫 j.moon裝修怖置得幾靚，最大特點係餐廳既天花有大量橙紅波波燈做燈飾！場面都幾靚好岩打卡。非常建議要 book定位Earl grey martini, 賣相幾好，唔會太甜！陣陣滲出伯爵茶底既香味，清新好refreshing, 酒味剛好，整體好 match.Chicken wings with teriyaki mayo, 單骨雞翼食起黎非常方便，一啖一口啖啖肉！炸得好香脆唔會好油，再配埋蛋黃醬，更有增次感食到停唔到口。巴拿馬火箭菜 pizza, 餅底幾香脆，加上半溶芝士用料幾靚，香味幾突出！巴拿馬火腿咸香味超正，火箭菜有適當既中和，整體好高質。Creamy mentaiko rigatoni with scallop, 長通粉非常吸味，醬汁幾creamy又綿滑！帶子表層煎到焦香，內層就啖啖鮮香，mix埋一齊食幾好，唔會太膩而且份量都好足料。