仁芝初

营业中

休息中

係旺角同朋友食完晚餐，諗住食翻個甜品先走，但係又唔係好想食雪糕果類，於是揀左呢間仁芝初。佢主打中式甜品，好似芝麻糊、腐竹糖水、紅豆沙、綠豆沙呢啲咁，但係今次試既呢幾款都令我有少少失望🙁1️⃣合桃露拼杏仁露（$28）雖然係雙拼，但係合桃露既存在感極低，唔係好食到合桃露既味，杏仁露幾乎覆蓋曬個合桃露。杏仁露既味道係唔錯既，不過都係偏淡左啲，質感偏水。  2⃣️合桃露拼芝麻糊（$28）呢款比較食到合桃露既味，我自己幾鍾意合桃露既味，幾香，不過合桃露同芝麻糊都係偏淡偏水...芝麻糊唔夠滑，仲食到啲乾左既皮。  3⃣️白果薏米腐竹（$26）呢款質感係稠啲，但係冇乜味...好似得少少甜味咁，食唔到啲咩其他味。個底有啲薏米、白果咁，但係都係冇乜味。