龍泉冰廳

营业中

休息中

出到銅鑼灣搵食，都總是好難抉擇，因為實在太琳琅滿目，間間都好似唔錯咁，不過接近糧尾，要慳住個銀包，所以想搵間抵食夾大件既。路過見到有間冰廳，門面裝修到燈光閃閃，完全吸引了我的目光，好啦，就試下呢間龍泉冰廳。因為撞正食飯時間，所以全場爆滿，但入到去後，店員好快已經安排位置坐下，見到店員忙到甩碌，好有種打緊夢幻西餐廳既感覺，佢地無發脾氣之餘都仲可以Keep到好笑容，值得一讚。Menu好多選擇，中式西式韓國菜都有。蔥油蜜汁叉燒煎雙荷蛋炒公仔麵 - 蔥油分開另上，立即倒入份量十足的公仔麵撈混，濃濃的𦴜油味道超級正，叉燒和煎雙荷蛋也十分有水準。咖喱魚柳飯 – 咖喱不算太辣，係港式咖喱的味道。魚柳炸到好脆身，即使浸在咖喱中，也沒有減卻脆口感，好味。燒汁雜菌茄子炒牛柳粒煲 -  燒汁味道不太重口味，剛剛好。茄子煮到好淋，入口即溶，而且相當入味。牛柳粒偶然有一兩粒比較難𡁻，但整體來說也不錯。