影片
更多
2024-02-09
62 浏览
同朋友食早餐🍽️，呢間餐廳喺正商場，方便就腳。早餐選擇多，不過除咗egg benedict就冇素食選項，於是揀咗黑松露炒蛋香腸🥚（條腸俾咗朋友）+堅果冷燕麥杯🍸，另加$15點燕麥鮮奶咖啡☕，仲同朋友share咗個名為memories的甜品🍨。黑松露炒蛋🥚：黑松露醬份量唔少，好香，雖然食落味道冇聞到咁犀利，但都好滿足。炒蛋滑，好食。堅果冷燕麥杯🍸：隔夜燕麥聽就聽得多，食都係第一次，有驚喜。望落細細杯，面頭係museli，有果仁、提子乾，燕麥以manuka honey🍯調味，味道啱啱好。由於museli同燕麥都有𡁻口，所以食完好飽足。燕麥鮮奶咖啡☕：正常熱咖啡唔使加錢，而呢杯特色咖啡要➕$15。咖啡冇拉花，而且好「水」、好稀，飲落水多過奶，完全唔creamy ，水準非常低📉。餐廳有半頁特色咖啡的drink menu，如rose latte。如果以主打咖啡的餐廳嚟講，絕對勁低分。朋友加錢點咗蜂蜜燕麥鮮奶咖啡，同一下場，咖啡好稀，冇蜂蜜味。至於加錢點咗特濃朱古力🍫的朋友，就讚話朱古力幾好飲。Memories：甜品拼盤，實物靚過上鏡，餐廳可按要求寫字。我哋寫咗Happy birthday🥳。甜品送
早餐選擇多，不過除咗egg benedict就冇素食選項，於是揀咗黑松露炒蛋香腸🥚（條腸俾咗朋友）+堅果冷燕麥杯🍸，另加$15點燕麥鮮奶咖啡☕，仲同朋友share咗個名為memories的甜品🍨。
黑松露炒蛋🥚：黑松露醬份量唔少，好香，雖然食落味道冇聞到咁犀利，但都好滿足。炒蛋滑，好食。
堅果冷燕麥杯🍸：隔夜燕麥聽就聽得多，食都係第一次，有驚喜。望落細細杯，面頭係museli，有果仁、提子乾，燕麥以manuka honey🍯調味，味道啱啱好。由於museli同燕麥都有𡁻口，所以食完好飽足。
燕麥鮮奶咖啡☕：正常熱咖啡唔使加錢，而呢杯特色咖啡要➕$15。咖啡冇拉花，而且好「水」、好稀，飲落水多過奶，完全唔creamy ，水準非常低📉。餐廳有半頁特色咖啡的drink menu，如rose latte。如果以主打咖啡的餐廳嚟講，絕對勁低分。朋友加錢點咗蜂蜜燕麥鮮奶咖啡，同一下場，咖啡好稀，冇蜂蜜味。至於加錢點咗特濃朱古力🍫的朋友，就讚話朱古力幾好飲。
Memories：甜品拼盤，實物靚過上鏡，餐廳可按要求寫字。我哋寫咗Happy birthday🥳。甜品送嚟時，侍應幫我哋點蠟蠋🎂，仲影咗即影即有相，連埋生日卡送俾我哋，仲祝我朋友生日快樂添！單係呢啲額外服務經已令人欣賞！迷你甜品有5件：2款馬卡龍、芝士蛋糕、朱古力蛋糕同埋朱古力雪糕。雪糕正常；朱古力蛋糕係海棉蛋糕，一般；芝士蛋糕質感唔錯，有淡淡芝士味；馬卡龍有啲甜，正常水準。
整體而言，早餐抵食，食物有特色亦較健康，只係唔建議餐飲加錢。餐廳位置理想，佈置幾靚。服務可以，始終客人多，侍應兼顧唔嚟，但埋單時發覺免收加一，就覺得佢哋的服務經已好好。甜品一般，唔建議特登嚟食甜品、飲咖啡，但個“memories”係令人愉快既，搭單食都可以👌🏻。
张贴
