紅雞冰廳

营业中

休息中

九龍城有好多餐廳，今次試下呢間未食過嘅茶記。佢早餐大約40幾蚊，喺呢個區嚟講唔算平，不過質素有交代。薑汁牛肉通粉一上枱碗通粉熱到出煙，聞到好香嘅薑味。湯底飲落有好濃嘅肉同薑味，牛肉又冇柴皮，鍾意薑味嘅人一定會喜歡。叉燒湯意粉上枱同樣都係熱辣辣出晒煙，叉燒夠淋份量都好足，湯底都有叉燒味，唔係上枱之前先放上去嗰種。另外佢早餐嘅麵包可以免費轉做丹麥多士，件多士上枱都係熱嘅，又香又脆。餐飲奶茶不過不失，杏霜落足料夠濃。整體成個早餐都好滿足，有機會再試下佢其他食物。