小肥豬扒餐廳

营业中

休息中

老實說，此店在大圍已有多年，我都還沒有光顧過。近年沙嗲牛肉冒起，此店只有星期六提供，每次早上來到都感到無望，閒日來比較好。店子只有十多個位置，靠的是門口幾張枱做生意。舖內都無咩裝修可言，相當家庭式，位置較迫。價錢以同樣款式，貴一般店差不多一至兩成。點了茶走，都到位，茶身濃厚，茶味甘苦。點了豬扒雞翼出前一丁。麵睇到仲成麵餅樣，即係煮得剛好。雞翼兩隻，普普通通，整定稍乾水。豬扒一塊切碎。熱辣辣，鬆軟厚身，調味有放香茅。整體而言，出品大致幾好，但要問，54元食早餐，有質素都只係合理而已。要排隊的話要考慮下。