Bestow (已結業)

平日大約12.30到，店內並未有其他客人，當日嘗試3款菜色1.烤雞菠蘿配牛油果貝果($118)一上枱被大細嚇親，好大份，足夠2個女仔share。牛油果新鮮，貝果外層烤到脆身，但唔係太煙靭，菠蘿同雞肉正常，不過食落幾夾。2.太空船草莓朱古力慕絲蛋糕($55)外貌真係同明治朱古力好似，係放大版。食落味道都相似，但係越食越漏，偏甜，中間有草莓果醬中和，但係整體正常，冇特別。3.海鹽焦糖捲蛋配焦糖脆脆($58)捲蛋鬆軟，附有好多焦糖脆片，但係食落唔會太甜，呢個都幾推介！另外嗌咗杯Americano同latte ，呢度咖啡豆偏酸，唔係太適合我。