捌加廿陸天婦羅居酒屋

营业中

休息中

呢間餐廳嘅天婦羅真係唔錯，最近試咗幾款，又平又好味😋首先試咗鰹魚湯烏冬配鮮帯子同牛肉餅。鰹魚湯底味道好濃郁，烏冬麵彈牙，吸晒湯底嘅鮮味。帶子天婦羅新鮮多汁，口感嫩滑。牛肉餅天婦羅肉香四溢，必食。第二款揀了冷蕎麥麵配竹輪、紫菜蝦膠同南瓜。冷蕎麥麵清爽彈牙，夏天食一流。竹輪有彈性，加上紫菜蝦膠，味道好豐富。南瓜天婦羅外脆內軟，甜味適中，配埋蕎麥麵，真係好正。散點磯燒鮑魚配帶子同活虎蝦天婦羅2隻亦係唔錯嘅選擇。磯燒鮑魚天婦羅甜甜地。帶子同樣鮮甜多汁。活虎蝦天婦羅外皮炸得金黃脆口，蝦肉鮮甜彈牙，滿足。飲品方面，蘋果汁酸甜適中，提子汽水清爽解渴。