廿一堂

营业中

休息中

經過見到廿一堂主打牛丼，見到餐牌都幾多選擇，晚餐入去試下！我嗌左個熟成鐵板牛柳餐，加$3配菇菇滑蛋飯，跟餐仲有泡菜同麵豉湯個牛柳煮得啱啱好，唔會太老，牛柳啲肉都幾腍，個汁係香噴噴嘅肉汁，但鐵板似乎係裝飾，唔熱嘅😂一定一定要揀菇菇滑蛋飯，超級有驚喜！菇菇唔算多，但滑蛋真係幾滑，食得出啲飯滲左啲甜甜哋嘅汁，有啲似壽喜燒汁撈飯！朋友就嗌左個溫泉玉子豚肉拼牛肉燒肉丼，就普普通通，但牛肉有啲韌，燒汁都幾好味！跟餐配泡菜，飲品我哋仲加左小食：炸餃子同炸蔬菜薯餅，炸餃子普通水準，蔬菜薯餅口感豐富。