影片
更多
2022-09-28
411 浏览
日本關西過江龍即叫即製天丼、天婦羅，關西人氣天婦羅專門店於2006年，在日本兵庫縣開設首家店舖。Tempura Makino「天ぷらまきの」是日本人氣天婦羅專門店，主打手造即叫即製天婦羅。這家日本關西過江龍天婦羅，最近登陸香港！首店選址沙田新城市廣場。專程去試食當日，係平日嘅午市時間，等候時間大概45分鐘，當日分配坐位有點混亂，而且冇顧及二人、四人安排，要不時向店員詢問，而且坐位唔算多，地方唔算寬躺，想試午市定食就要早啲到，因為三點截單，直至五點先再營業。🏷Makino特選天丼定食 $178虎蝦（3隻）、鱔魚、海鰻（半條）、魷魚、北海道舞茸菇、南瓜、法國邊豆、日本雞蛋。🏷海鰻海鮮天婦羅定食 $148海鰻（半條）、魷魚、鱔魚、虎蝦、茄子、北海道舞茸菇、南瓜、法國邊豆。午市天婦羅定食有7款，價錢由$88-$178。如果鍾意海鮮類，👍推薦《Makino特選天丼定食》，基本全部都齊哂所有款式，不過價錢就係最貴，但如果唔係大胃王，我見意另加一份烏冬或蕎麥麵都足夠二人分享。海鰻海鮮天婦羅定食，虎蝦就只有一隻，其他就同特選天丼定食唔大分別，價錢親民少少。🏷雞肉天婦羅定食 $98+$20轉稻庭烏冬雞胸
Tempura Makino「天ぷらまきの」是日本人氣天婦羅專門店，主打手造即叫即製天婦羅。
這家日本關西過江龍天婦羅，最近登陸香港！首店選址沙田新城市廣場。
專程去試食當日，係平日嘅午市時間，等候時間大概45分鐘，當日分配坐位有點混亂，而且冇顧及二人、四人安排，要不時向店員詢問，而且坐位唔算多，地方唔算寬躺，想試午市定食就要早啲到，因為三點截單，直至五點先再營業。
🏷Makino特選天丼定食 $178
虎蝦（3隻）、鱔魚、海鰻（半條）、魷魚、北海道舞茸菇、南瓜、法國邊豆、日本雞蛋。
🏷海鰻海鮮天婦羅定食 $148
海鰻（半條）、魷魚、鱔魚、虎蝦、茄子、北海道舞茸菇、南瓜、法國邊豆。
午市天婦羅定食有7款，價錢由$88-$178。
如果鍾意海鮮類，👍推薦《Makino特選天丼定食》，基本全部都齊哂所有款式，不過價錢就係最貴，但如果唔係大胃王，我見意另加一份烏冬或蕎麥麵都足夠二人分享。
海鰻海鮮天婦羅定食，虎蝦就只有一隻，其他就同特選天丼定食唔大分別，價錢親民少少。
🏷雞肉天婦羅定食 $98
+$20轉稻庭烏冬
雞胸(2件)、西蘭花苗、北海道舞茸菇、南瓜、法國邊豆。
因為朋友當中唔食海鮮，所以就點雞胸天婦羅，味道普普通通，雞胸天婦羅份量偏少。
🏷蕎麥麵 $48
一般食天婦羅，情意結一定點客冷蕎麥麵，呢個麵質都算好，不過沾麵汁就一般。
所有午市定食包湯、前菜、白飯（+$20天婦羅定食白飯轉稻庭島冬或蕎麥麵）
🛎留意番，天婦羅單品只在晚市時段供應!
整體天婦羅算唔錯，不過感覺食落有少少油，炸漿未算做得夠好，有啲唔均勻，但午市定食價錢算合理。
张贴
