影片
更多
2023-08-07
250 浏览
依間過江龍拉麵店都開咗店一段日子，都仲係咁多人排隊，咁應該有啲水準！放工後就同朋友試試🍜有數款拉麵、沾麵、拌麵可選，最有特色係芽菜份量甚至可以免費揀4倍份量！芫茜辛辣拉麵仲可以增量芫茜🤣除此之外，每碗都好重蒜，正。麵量方面，有小盛(150g)、中盛(200g)、大盛(300g)、特盛(450g)，照顧到不同胃口嘅需要。豚骨醬油沾麵(中盛) $77————————————麵條選用日本太麵，麵條較粗身，太麵煮熟後會使用冰水極速降溫，令麵條更有口感。沾上豚骨醬油濃湯，掛湯力強，口感彈牙、煙韌。點咗普通份量嘅蒜茸，都頗多蒜，非常有蒜香。半熟玉子拉麵(中盛) $67————————————朋友選擇咗半熟玉子拉麵，再加兩片叉燒都係+$12，同樣都係揀咗普通份量蒜，都已經好重蒜香🧄非常滋味。食完麵好滿足，下次可以再試埋個關東煮！
有數款拉麵、沾麵、拌麵可選，最有特色係芽菜份量甚至可以免費揀4倍份量！芫茜辛辣拉麵仲可以增量芫茜🤣除此之外，每碗都好重蒜，正。
麵量方面，有小盛(150g)、中盛(200g)、大盛(300g)、特盛(450g)，照顧到不同胃口嘅需要。
豚骨醬油沾麵(中盛) $77
————————————
麵條選用日本太麵，麵條較粗身，太麵煮熟後會使用冰水極速降溫，令麵條更有口感。沾上豚骨醬油濃湯，掛湯力強，口感彈牙、煙韌。點咗普通份量嘅蒜茸，都頗多蒜，非常有蒜香。
半熟玉子拉麵(中盛) $67
————————————
朋友選擇咗半熟玉子拉麵，再加兩片叉燒都係+$12，同樣都係揀咗普通份量蒜，都已經好重蒜香🧄非常滋味。
食完麵好滿足，下次可以再試埋個關東煮！
张贴
