Kotori_Lbird

营业中

休息中

小店位於荔枝角，主打日本料理嘅外賣店，地方十分隱蔽，係喺商業大樓入面，都係聽附近返工嘅朋友仔介紹先知道呢個地方🤣 由兩位日本人主理嘅，價錢合理，性價比高，可以一試！十蔬雞肉特制烏冬包含10種蔬菜，有里芋、蔥、柚子、大根、菇、甘筍、蒟蒻、牛蒡、炸豆腐同蓮藕，五顏六色，賣相一流，食肉獸表示雖然全部都係蔬菜但presentation好吸引🤣 蔬菜細細件，方便入口，新鮮，鮮甜、另外有雞肉補充蛋白質，嫩滑多汁，啖啖肉，唔錯、湯底晴甜、烏冬Q彈，掛汁，惹味😋另外有山芋炭燒鰻魚飯，飯粒飽滿，混合咗糯麥同珍珠米，咬落軟糯，感覺健康，好有日本feel、鰻魚超級大條，以自家熬制醬汁調配，有炭烤風味，食落甜甜地，幾適合配飯，上班族有福了！