影片
更多
2023-09-14
45 浏览
平時行開世貿次次經過呢間日式西餐都大排長龍，今日終於都試到喫茶ちょうぼ，發現有人帶狗狗影相先知呢間餐廳原來係pet-friendly，不得不讚佢既裝修係無印風同埋用咗好多綠化植物，入面採用落地玻璃透光設計，陽光充沛，好似有一種唔喺香港嘅感覺！- 特大の海老蛋包飯 上菜嘅時候侍應會問你影唔影相，影完相之後佢就會切開個蛋包飯俾你睇，啲蛋漿就會留落嚟比你打卡，呢一點真係好細心。個主角滑蛋食落真心滑lur lur一啲都唔老，蛋味都好重，個吉列海老真係超級大，脆卜卜個炸粉又唔會太厚，蝦又彈牙，本身個飯跟嘅龍蝦汁都好重龍蝦味，唔似粉溝出黎，入面仲有啖啖蔬菜，一啲都唔Hea，讚！- 極‧厚切吉列豬扒飯定食 塊厚切吉列豬扒完全冇因為佢厚而影響肉質，仲keep到好juicy，佢呢度啲炸物真係好出色，全部都係入口鬆化，配埋佢嘅滑蛋+特調醬油撈飯簡直一流，入面嘅洋蔥亦都煮得好淋好索味- 炸七味雞軟骨 七味雞軟骨唔好以為佢係普通喺街食到嗰啲質素，佢粒粒都好大粒，入面嘅雞軟骨除咗軟骨都仲有肉俾你咬，配埋佢個他他醬一口接一口停唔到，同埋feel到佢係新鮮製造因為佢冇雞軟骨會有嘅雪味，如果有得睇住戲食就正了- 日式
- 特大の海老蛋包飯
上菜嘅時候侍應會問你影唔影相，影完相之後佢就會切開個蛋包飯俾你睇，啲蛋漿就會留落嚟比你打卡，呢一點真係好細心。個主角滑蛋食落真心滑lur lur一啲都唔老，蛋味都好重，個吉列海老真係超級大，脆卜卜個炸粉又唔會太厚，蝦又彈牙，本身個飯跟嘅龍蝦汁都好重龍蝦味，唔似粉溝出黎，入面仲有啖啖蔬菜，一啲都唔Hea，讚！
- 極‧厚切吉列豬扒飯定食
塊厚切吉列豬扒完全冇因為佢厚而影響肉質，仲keep到好juicy，佢呢度啲炸物真係好出色，全部都係入口鬆化，配埋佢嘅滑蛋+特調醬油撈飯簡直一流，入面嘅洋蔥亦都煮得好淋好索味
- 炸七味雞軟骨
七味雞軟骨唔好以為佢係普通喺街食到嗰啲質素，佢粒粒都好大粒，入面嘅雞軟骨除咗軟骨都仲有肉俾你咬，配埋佢個他他醬一口接一口停唔到，同埋feel到佢係新鮮製造因為佢冇雞軟骨會有嘅雪味，如果有得睇住戲食就正了
- 日式布甸
呢個係小編最最最鍾意嘅，因為本身我都好鍾意食日本既焦糖布甸，呢個日式布甸，簡直係顛覆咗我嘅想像，蛋味極濃，好似用咗好多蛋去整，佢質地亦比起平時嘅布甸厚實，焦糖嘅部份又唔會過分死甜，大滿足！！！
呢度都好多飲品嘅選擇，但最後揀咗咖啡二重奏，除咗因為本身鍾意飲咖啡，同埋私心想睇佢嘅表演，因為侍應係會喺你面前攞兩個茶壺（分別係奶同齋啡）溝杯咖啡出嚟俾你，好新奇有趣，味道就正正常常，咖啡味偏濃，但都幾香幾滑
日式西餐黎講呢間坐得舒服裝修又靚啲嘢食又高質，仲可以帶埋毛孩過嚟打卡，見到有食客帶咗隻柴柴係餐廳嘅裝飾樓梯影相，真係好似置身喺日本咁，so chill✨
张贴
