楓 (已結業)

最近同緊台式餐廳「黑布小巷」合作既木系日式餐廳「楓」 ， 聽個名已經吸引到我。 餐廳位於廣華街既隱蔽位置， 真係唔行入去真係唔發覺到 😝店舖小小，但勝在以木系裝潢營造出日系感覺😌餐廳是以QR Code 落單， 方便快捷。

1

🦐香煎虎蝦咖哩湯烏龍麵 ：本身好好奇咩係烏龍麵😮😮望落去好似烏冬咁 ，但口感比較Q彈。 虎蝦粒粒都好大隻，好有肉感。 不得不說既係個湯底係咖哩，食落好香濃咖哩味，味道好濃 ！值得一試😉

香煎虎蝦咖哩湯烏龍麵

香煎虎蝦咖哩湯烏龍麵

🐔 慢烤雞脾肉咖哩湯烏龍麵： 份量幾足，雞脾肉肉質鮮嫩。 烏龍麵完全入哂咖喱湯底既香濃味😋

慢烤雞脾肉咖哩湯烏龍麵

🥚 芝士吞拿魚蛋餅： 講到合作， 緊係要叫下台式食物滿足下自己既貪食🙂‍↕️ 就簡左蛋餅黎食。 吞拿魚醬非常足料😋😋 啖啖吞拿魚黎😱 不過芝士同蛋味就稍被吞拿魚蓋過， 但中意食吞拿魚既朋友會讚🫢

芝士吞拿魚蛋餅

🍧冰火湯圓：咁啱有試到新品😍 咩叫冰火呢？冰係指沙冰、火係指湯圓。其實最主要特別在係用桂花蜜棉棉花 加上粒粒煙靭嘅湯圓。桂花蜜本身以為會好甜，但原來唔係，有淡淡的花香同埋回甘既口感。不得不說湯圓除咗煙靭之外，入面仲有餡！😍

冰火湯圓

🧋抹茶豆乳： 抹茶味好濃，配合左豆乳好清爽
🧋蜂蜜柚子綠茶： 成個飲品好清涼潤喉，味道唔算太甜。

蜂蜜柚子綠茶+抹茶豆乳