影片
更多
2025-05-12
5 浏览
同事話原來呢間之前好出名好多人排隊，一於試下佐敦呢間分店。 入座： 12點半左右，7個人。竟然好彩唔洗排隊！ 環境：不過入面座位唔算多，所以要分枱座。空間唔算大，前後枱都隔得近。但係佢啲餐具太可愛啦！！你睇下佢果杯！ 肉球啊！！佢連筷子座都係有肉球架！！！ 食物：仲有佢果薯仔忌廉咖哩烏冬，係有肉球喺上面㗎！！！！雖然你撈完之後，乜都見唔到。 我叫咗個午市套餐，$128。 咁就配埋黑豚腩同一杯飲品。 認真咁講，其實佢嘅腩肉係有少少肥膏，所以有少少難咬開嘅，要成舊食。 但味道同炸得都唔錯。 忌廉烏冬方面呢，本身我都會擔心會好油膩好飽。 結果係真係會飽嘅但唔算膩，因為入面係有肉塊，唔係嗰啲攝牙罅嘅咖哩肉。 返公司一定會瞓著覺。 總結： 其實就唔平嘅，不過情緒價值方面我就畀滿分。 Sor 大叔都可以有少女心。返左半日工已經好辛苦架，係到攞少少情緒價值都抵啊！
入座： 12點半左右，7個人。竟然好彩唔洗排隊！
環境：不過入面座位唔算多，所以要分枱座。空間唔算大，前後枱都隔得近。
但係佢啲餐具太可愛啦！！你睇下佢果杯！ 肉球啊！！
佢連筷子座都係有肉球架！！！
食物：
仲有佢果薯仔忌廉咖哩烏冬，係有肉球喺上面㗎！！！！雖然你撈完之後，乜都見唔到。
我叫咗個午市套餐，$128。 咁就配埋黑豚腩同一杯飲品。
認真咁講，其實佢嘅腩肉係有少少肥膏，所以有少少難咬開嘅，要成舊食。 但味道同炸得都唔錯。
忌廉烏冬方面呢，本身我都會擔心會好油膩好飽。 結果係真係會飽嘅但唔算膩，因為入面係有肉塊，唔係嗰啲攝牙罅嘅咖哩肉。
返公司一定會瞓著覺。
總結： 其實就唔平嘅，不過情緒價值方面我就畀滿分。 Sor 大叔都可以有少女心。返左半日工已經好辛苦架，係到攞少少情緒價值都抵啊！
张贴
