德美壽司 (德民街)

营业中

休息中

紅磡有好多隱藏嘅美食，同事做左先頭部隊試過一次之後就係咁話好好食，於是今次lunch就揀左位於巷仔內嘅得美日本餐。因為有兩間舖頭，我傻更更去錢左，趕頭趕命行過去，去到已經有人等位，好彩我地有訂枱，去到都氣來氣喘無心機睇menu，所以就點左佢地推介嘅角切魚生飯$68。個飯好快就到，原來個餐仲有沙律，燉蛋同麵鼓湯。飯上面有一隻偏向生嘅半生熟蛋，飯同魚生嘅比例幾乎一比一，魚生嘅種類仲要好多，三文魚當然唔少得，仲有尤魚，燙魚皮，蟹籽，同我唔識嘅魚類等等，而個飯一早已經撈好醬油同紫菜，味道岩岩好，不會過咸，成個飯係完全唔使加豉油同芥末，都已經勁好味。沙律嘅菜好新鮮，仲有粟米同蕃茄，加埋落左醋嘅汁，好開胃。燉蛋細細，但食完飯之後先食都仲暖，上面有一小角厚身嘅日式魚蛋，蛋嘅質地好滑好滑，個底仲有蟹柳。