影片
更多
2017-10-02
1164 浏览
今晚同個老朋友約出嚟打羽毛球，我地近排各有各忙少左見面，難得出到嚟，大家就算打完波好攰，都唔想咁快散，朋友話上次佢同同事打完波就去左食串燒，因為佢習慣打完波只食少少嘢，串燒就啱晒，冇咁heavy，坐落真係見肚餓嘅咪叫多啲，夠晒彈性。佢車左我去間串燒酒吧，叫bilibala，坐喺窗邊就最方便，可以𥄫實佢泊喺門口架車。串燒吧地方唔太大，帶點西式同日式裝修，以黑色為主，燈光偏暗，感覺放鬆，係飲酒同食宵夜嘅好地方。先嚟杯Cocktail: Departure $88 - 係日本清酒加益力多加櫻桃糖漿，酒味同益力多、櫻桃味都好Balance。入面大大粒圓球狀嘅冰，幾靚幾特別。黑松露冷日本蕃茄$75 - 黑松露同蕃茄配搭幾新鮮。第一次食凍嘅黑松露，加上蕃茄酸甜味道濃郁又新鮮，食落味道又幾夾。蕃茄夠凍，啱晒夏天食，一嚟到先食凍嘢降吓溫都唔錯。煙肉荔枝 $34 - 惹味嘅煙肉入面係甜甜嘅荔枝，又係好特別嘅配搭。一入口先食到煙肉嘅鹹香，然後咬落去就鮮甜嘅荔枝，荔枝非常多汁，好似飲左幾淡荔枝汁咁，Encore之選。燒明太子$108 - 明太子燒出嚟好香口，明太子本身都幾鹹，但配上青瓜就可以平衡返個味道。明
串燒吧地方唔太大，帶點西式同日式裝修，以黑色為主，燈光偏暗，感覺放鬆，係飲酒同食宵夜嘅好地方。
先嚟杯Cocktail: Departure $88 - 係日本清酒加益力多加櫻桃糖漿，酒味同益力多、櫻桃味都好Balance。入面大大粒圓球狀嘅冰，幾靚幾特別。
黑松露冷日本蕃茄$75 - 黑松露同蕃茄配搭幾新鮮。第一次食凍嘅黑松露，加上蕃茄酸甜味道濃郁又新鮮，食落味道又幾夾。蕃茄夠凍，啱晒夏天食，一嚟到先食凍嘢降吓溫都唔錯。
煙肉荔枝 $34 - 惹味嘅煙肉入面係甜甜嘅荔枝，又係好特別嘅配搭。一入口先食到煙肉嘅鹹香，然後咬落去就鮮甜嘅荔枝，荔枝非常多汁，好似飲左幾淡荔枝汁咁，Encore之選。
燒明太子$108 - 明太子燒出嚟好香口，明太子本身都幾鹹，但配上青瓜就可以平衡返個味道。明太子係切成片狀，主要燒外圍，外皮帶點微焦，而中間部份保持鮮味。
雞翼$36 - 用鹽燒，燒到外皮金黃且香脆，味道啱啱好，唔會過燶。
銀雪魚$88 - 塗上了日本甜醬油，外皮燒得脆脆的。魚肉含油量高，肉質軟且嫩滑。
日本小蕃薯$28 - 熱辣辣很香口，裡面的薯蓉很軟綿，好似食緊蓮蓉飽裡面啲蓮蓉饀。
估唔到仲有茶漬飯食，明太子茶漬飯$68 - 熱到連碗都有點燙手的，明太子和飯份量夠多，飯粒粒分別，係珍珠飯。可惜茶味不夠濃，味道只像很淡的醬油。
燒免治和牛棒$118 - 上枱已聞到香味，牛味濃郁。
蘸上蛋汁，蛋香混和肉香味道一流。
輕輕鬆鬆吹水到深夜，期待下次再聚。
张贴
